TUSAGASSIORTOQ

ILINNIARNERUP SIUNERTAA

Allanneq, misissueqqissaarneq aammalu inuiaqatigiinni ulluinnarni oqallisigineqartut ingerlateqqissallugit nuannaraagit?
Taava tusagassiortutut bachelorinngorniarneq ilinniagaq ilinnuuvoq.

Tusagassiortunngorniatut ilinniartuunermi kalaallit inuiaat pingaarluinnartut ulluinnarni oqallisigisaat nunat tamalaanullu attuumassuteqartut misissuineq aammalu qulaajaaneq atorlugit ilinniarnermi ilinniassavatit. Tusagassiorneq isumassarsianik pilersitsinermik aammalu ilisimasanik katersinermik tunngaveqarpoq. Oqaluttuat assigiinngitsumik isiginnittariaatsit arlaliusut atorlugit saniatigullu apersuinerit, ersarissumillu minnerunngitsumillu peqqissaartumik saqqummiussisinnaaneq toqqammavigalugu tunngasuuvoq. Ilinniagaq aqqutigalugu tusagassiornerup suleriaasii aammalu suliaqarfii aalajangersimasut paasisimalissavatit minnerunngitsumillu nammineerlutit inuttut ineriartuutigisarnik atuagarsornikkut piginnaasaqalissaatit.

”Allallunga nuannariuaannarsimavara isumassarsiorlungalu. Taamaattumik tusagassiortutut ilinniagaq toqqarsimavara. Isumassarsiorneq apersuinerit aammalu allaaserinninnerit aqqutigalugit piginnaasakka ineriartortissinnaallugit paasisimavara. 5.semesterimi suliffimmi misiliissaagut. Assut nuanneqaaq suliffeqarfimmi misiliinermi imaallaat tunngavissineqassooq suna pikkoriffigivinnerlugu.” -Minik 23-nik ukiulik.

IMAA SANNAALU

Tusagassiortutut ilinniartuullutit suussusersisinnaaneq, oqaasertarlersuisinnaaneq aammalu ajornartorsiutip aallaavii allanngorarsinnaasut atuagarsornikkut ilinniassavatit. Inuinnaat naalakkersuisooqataanerat itinerusumik imaqqortunerusumillu paasissavat aammalu qanoq inuiaqatigiinnut tamanna isumaqartiginersoq.
Ilinniagaq aqqutigalugu apersueriaatsit assigiinngitsut ilinniassavatit eqqartorneqartullu suliat tungaatigut sukuiarsinnaanngorlugit. Oqaluttuanut eqqartorneqartunullu tunngatillugu pilersaarusiorluarnikkut tamakkiisumik aammalu misissuisinnaaneq isornartorsiuisinnaanerlu ilinniarnerup iluani sungiusarneqassapput.

Allattariarsornermi oqaluttariarsornermilu oqalliffinni assigiinngitsuni pisut pineqartillugit ingerlatitseqqiisinnaanermi pinginnaasat ineriartortinnissai periarfissaavoq.
Tusagassiortunngorniarnerup ilisimatusarnermi toqqammavia aallaavigalugu ilinniartinneqassaatit, taakku ataaniipput attaveqaatit/tusagassiutit atorlugit misissueriaaseq, tusagassiortunngorniaraanni inatsisitigut ilisimasassat aammalu ilisimatusarnermi teoriit.
Inuiaqatigiit silarsuullu ataqatigiinnerat ilinniassavat taavalu qanoq inatsisit malittarisassallu ataqatigiinnersut saniatigullu inulerinermut ileqqorissaarneq tusagassiortutut sulitilluni qanoq atugassaanersoq ilinniartitsissutigineqassalluni.

5.semesterimi tusagassiorfimmi suliffimmik misiliissaatit, imaluunniit attaveqaqatigiinnermi allaffimmi arlaanni. Ilinniarnermi ilikkakkatit atorlugit misiliissaatit.

Ilinniagaq uani atuaruk:

https://www.uni.gl/ilinniakkat/tusagassiortoq/

Qinnuteqarit

INFORMATION

Ilinniakkap atia

Tusagassiortunngorniarneq

Sumi

Ilisimatusarfik Grønlands Universitet

Ilinniakkap sivisussusaa

Ukiut pingasut qaammatillu arfinillit

Ulloq aallartiffik

01. Septemberi 2025

Ansøgningsfrist

01. Marts 2025

Piffissaq qinnuteqarfissarititaasoq

GU assigisaaluunniit naammassineqarsimassaaq. Qinnuteqaat 01.marts-iutinnagu nassiutereersimassaaq. Taamaalisinnarlutit tiguneqarumalluni misilitsinneq pissaaq. Taanna Apriili qaammat pisarpoq.

ATTAVISSAT

MAJA POULSEN

Ilinniarnermi Ineriartornermilu siunnersorti

Telefoni

(+299) 367140

Maili

mpou@sermersooq.gl