TNI-IMI ALLAFFISSORNEQ

PILERSAARUTAASUT

Allaffissorneq aammalu aningaasaqarnermi ingerlatsineq siunissami suliffigissallugu takorluugaraajuk?

TNI-mi allaffissornikkut inulerineq aammalu aningaasaqarnikkut sullissineq taava ilinnuusimassaaq. Ilinniarnerup ingerlaanerani inuuniuteqarnikkut aningaasaqarneq, qarasaasialerineq, inuiaqatigiinni pissutsit allarpassuillu ilinniarfigisami atuartitsissutigineqartarput siunissami suliffeqarfinni namminersortuni imaluunniit pisortatigut atorfinikkuit ilisimariigassatit piginnaasat ilinniarfigisami pissarsiarisimasatit atorluarsinnaavatit ingerlariarfigisarni.

Allaffissornikkut aningaasaqarnikkullu suliassat allanngorartut unamminarsinnaasullu ilinniarnermi paasisimasat aallaavigalugit suliarisinnaanngussavatit. Teori aammalu suliffinni ulluinnarni ileqqoq atorlugit inuussutissarsiornermut allaffeqarfinni ulapaarfiusuni sullissinissannut piareersimalissaatit. TNI-mi allaffissornermi ilinniakkat atorlugu siunissaq qajannaatsoq pilersissinnaavat sulifeqarfinnut inuiaqatigiinnullu tunniussaqarsinnaalerlutit.

”Sivisuumik nalornisimavunga sumi ilinniassanerlunga. Kisitsineq pikkoriffigiuaannarsimavara TNI-milu allaffissornikkut ilinniarneq tusarakku uannoortuusoq eqqarsaatigimavara. Ukioq ataaserlu ilinniartooreerlunga assut tiguartiffigisimavara inuussutissarsiornermi aningaasaqarneq, inuiaqatigiilerineq aammalu allaffissornikkut suliaqarneq. Assut uannut tamakkua pissaganarput piviusorsiorlutillu. -Lassi 23-nik ukiulik.

IMAA SANNAALU

TNI-mi allaffissornikkut ilinniakkap kiffartuussinermut, allaffissornermut aammalu aningaasaqarnermut ilisimasatit siunissami suliffittaarnissarnut siullertut aallaavigissavai. Piginnaasatit naleqarluartut amerliartussapput teori aammalu ulluinnarni suliffinni periuutsit ilinniarnerini. Peqqissaartumik allaqqissaarneq, kisitsinermi allaffiit, qarasaasiakkut toqqorsinerit aammalu qarasaasialerinermi najoqqutassiat ilinniassavatit.

Ilinniagaq aalajanersimasumik aaqqissugaavoq:

Ilinniagassat tunngaviusut: Kalaallisut, Qallunaatut, Tuluttut, Qarasaasialerineq, Inuussutissarsiornikkut aningaasaqarneq , tuniniaaneq & kiffartuussinerlu aammalu Inuiaqatigiilerineq.

Pingaarnertut ilinniakkami tunngaviusut : Ilisaritinneq, naggasiineq, niuernikkut aningaasaqarnikkullu attaveqatigiinneq siunnersuinerlu, saqqummeeriaatsinik ilinniarneq, ilinniarnermi periuutsit, tarnit pissusiinik ilisimatusarneq kiffartuussinerlu, ingerlasussanik piareersarneq aqutsinerlu, avatangiisit aammalu isumalluutinik atuineq, namminersortuuneq, pisortatigut nakkutiginninneq, piorsarsimassutsikkut eqeersimaartuuneq paasisimasaqarnerlu, nunat tamalaat tamakkerlugit niuerneq, aammalu ilinniakkami qulequtaasut aallaavigalugit atuartinneqarneq.

Atuartitsissut aalajangersimasoq allaffissornikkut ingerlatsinermi pingaarnertut inissisimasoq: Allaffissornermi aqutsineq, nammineerluni pilersaarusiorsinnaaneq aammalu allaffissornikkut pilersaarusiorsinnaaneq, paasissutissanik ujaarlersinnaaneq suliarinnissinnaanerlu, inunnut sullissivimmi sulineq, inatsisit tunngavigalugit saqqummiussisinnaaneq, pisortatigoortumik allaffissorneq, atuartitsissut misilitsissutiginera

TNI/Tunngaviusumik niuernikkut ilinniagaq ukiut sisamat ingerlanneqartarpoq aammalu ilinniagaq ingerlannerani suliffimmik misiliineq ilaareerluni.

Ilinniagaq pillugu paasisaqarnerorusukkuit uunga linkimut nittartakkatigut isiinnassaatit: https://gbs.gl/da/uddannelser/tniadm/

Qinnuteqarit

INFORMATION

Ilinniakkap atia

TNI/Tunngaviusumik niuernikkut ilinniagaq

Sivisussusaa

Ukiut sisamat, 8 semesterit

Qinnuteqarnissamut piffissarititaq

Ukioq tamaat qinnuteqartoqarsinnaavoq

Ilinniakkap aallartinnera

Oktobari

Ilinniagaqarnersiutit

Ilinniagaqarnersiutit ilinniakkap piffissaritinneqartoq tamaat atuupput. Akissarsiassallu suliffimmi misiliinermi suliffeqarfik isumaqatigiissusiornerani inissinneqassapput.

Ilinniagaqarnissamut piumasaqaatit:

Ukiumoortumik karakterit aammalu toqqammaviusumik karakterit tassaasut kalaallisut, qallunaatut, tuluttut matematikkilu ilinniakkamut qinnuteqarniaraanni angusiffigineqassapput. Ilinniagaq sorleq apeqqutaalluni.

Qinnuteqarnissamut piumasaqaatit ilinniarfiup nittartagaani aamma atuarsinnaavatit.

ATTAVISSAT

MAJA POULSEN

Ilinniarnermi Ineriartornermilu siunnersorti

Telefoni

(+299) 367140

Maili

mpou@sermersooq.gl