PEQQISSAANERMI IKIORTI

ILINNIARNERUP SIUNERTAA

Inulerineq isumassuinerlu nuannaraagit? Peqqissaanermut ikiortitut ilinniagaq ilinnuuvoq inunnut naleqartitsinikkut peqqissaavimmi siullertut aammalu aappaattut pingaarnertut isumanginninnikkut peqqissutsikkullu isumassuineq. Ilinniakkami periarfissaqalissaatit inunnut isumanginninnikkut peqqissaavimmi uninngasunut paarsinermi tamakkiisumik peqqissutsimut aammalu inuup timaanut katsorsaanermut ilinniakkap ingerlaarnerani qajannaatsumik ilisimasaqalissallutit. Innuttaasut peqqissaavimilu uninngasut paarineri aammalu peqqissaavimmi suliffeqarfiik assigiinngitsut suleriaasii iserfigissavatit.

Ilinniarnerup ingerlanerani peqqinneq qitiutillugu nappaatinillu akiuiniarnikkut pinaveersaartitsineq ilinniagarissavat. Tassa peqqissaavimmi nutaarluinnarmi sakkussat pingaarluinnartut ilaat.

Allanngueqataanissarnut piareersimavit?

”Nalunngittuaannarsimavara inuit sullittussallugit. Peqqissaanermi ikiortitut ilinniakkamut tusarlerneqaqqaarama nalusimanngilara uannooqqissaartoq. Ilinniaqatikka assut nuannarisimavakka. Ataatsimoorneq akuuffigalugu nuannerpoq tassami inulerineq tamatta soqutigisarput assigiimmat.”- Inuk 22-nik ukiulik.

IMAA SANNAALU

Ilinniagaq siullermik sapaatip akunneri 12-t siulliit teori atorlugu atuarfiussaaq. Tassanilu inuit peqqissusaat, ulluinnarni atugarisaat, peqqissutsikkullu atugarisaat allarpassuillu sammineqassapput. Kingusiinnaaq sapaatip akunneri qulit suliffimmik misiliineq pissaaq. Peqqissaanermik Ilinniarfiup suliffimmik misiliiniarnermi ilinniarnerup tungaatigut inissinnissarnut ikiussavaatit. Peqqissaavimmilu suliffimmi misiliinerni kommunip ataani utoqqarnut pulaarneq ikiuinerlu aamma misilinneqassapput.

Suliffimmilu misiliineq naammasseriarpat ilinniarneq sapaatip akunneri 47-nik sivisussusilimi teori atorlugu nanginneqassaaq, kingusiinnarlu suliffeqarfimmi allami sapaatip akunneri 58-it misiliineq allaartissaaq.

Teoriimik aammalu suliffimmik misiliinermi nakorsaatinik nakkutilliineq, napparsimasunik uninngasunillu paarsineq aammalu siunnersuisinnaaneq ilinniarneqassapput. Ilinniakkami peqqissaavimmilu attaveqaqatigiinneq attuumassuteqarnerlu pingaarnertut aamma ilinniarneqassapput.

Ilinniagaq inaarutaasumik allaaserinninnermik aammalu oqaluttariarsornermi misilitsinnermi naggaserneqassaaq.

Ilinniagaq uani atuarsinnaavat:

https://pi.gl/da/Uddannelser/Sundhedsassistent

Qinnuteqarit

INFORMATION

Ilinniakkap atia

Peqqissaanermi ikiorti

Sumi

Peqqissaanermik Ilinniarfik

Sivisussusaa

Ukiut marluk qaammatillu qulit

Qinnuteqarnissamut piumasaqaatit

Peqqissaanermut ikiortitut inaarutaasumik C-mik misilitsinnermi karakterinnassimassaatit. Aammalu meeqqat atuarfianni naggataarutaasumik misilitsinnermi kalaallisut, qallunaatut aammalu matematikkimi C-mik karakterinnassimassaatit. Imaluunniit: GU-mi ukua karaktererissavatit: Qallunaatut A-niveau-mi karakteri D, matematikkimi karakteri D, aammalu ilisimatusarnermi C. Qinnuteqaammik tunngavilersukkamik qallunaatut nassiussissaatit qinnuteqarnissamut immersugassaq ilanngullugu.

ATTAVISSAT

MAJA POULSEN

Ilinniarnermi Ineriartornermilu siunnersorti

Telefoni

(+299) 367140

Maili

mpou@sermersooq.gl