Ilinniaqqiffinni ilinniagaqarpit pikkorissoq pimoorussisorlu, taamaappat Ammassalik Museum-imi aasaanerani suliffissani ilinniakkannut tunngassuteqartumi periarfissaqarputit.
Upperivarput, ilinniakkamik ingerlataqaraanni atuagarsorneq sulinerlu pitsaanerpaamik akuleriisitsinerusoq. Taamaammat illit pissarsiarerusuppatsigit.
Aasaanerani Ammassalik Museumimi sulissaguit illit ilinniakkannut tunngalluinnartumik pissarsiaqarluassaatit. Uagut – katersugaasivittut suliffeqarfittullu – ilinniarnerpit naammassereerneranit suliffivimmik aallartitsinissannut sakkussannik misilittakkanillu pitsaasunik tunerusuppatsigit.
Kommuneqarfik Sermersuumi illit:
∙Suliffeqarfimmut angisuumut katitigaalluinnartumullu allanngorarfiusumut akuulissaatit, tassanilu pingaaruteqartumik katersugaatitsinnik nalunaarsueqataanissamut periarfissaqarsinnaassallutit
∙Ulloq suliatigut allanngorarfiusinnaasoq
∙Ilinniagaqarnikkut inuttullu unammillernarfiusinnaasoq
∙Suleqatitsialannik amerlasuunik naapitaqarfiusoq takornarissanillu
Pingaartipparput:
∙Alapernaatsuussasutit nutaanillu ilikkagaqarnissamut sapiissuseqartuussasutit
∙Suliassamik pissanganartumik peqataaffigerusutannik takugaangavit ujartuisutut peqataaniarsarisartuussasutit
∙Kiffartuussiumalluartuusutit
∙Suliassatit tamatigut piumassuseqarfigalugit, sulerusussuseqarfigalugit orniginartillugillu suliarinninniartuussasutit, tuluttullu oqalulaarsinnaallutit (piumasaqaataanngilarli)
∙Allattariarsornermi oqaluttariarsornermilu ersarissumik paatsuugassaanngitsumillu attaveqartartuusinnaassasutit
Kommuneqarfik Sermersooq illoqarfinni Nuummi, Paamiuni, Tasiilami Ittoqqortoormiinilu aasaanerani suliffissaqarpoq.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Kateersugaasivimmi Aqutsisoq Jonna Nielsen, oqarasuaat +299 36 77 37 imaluunniit e-mail: jokm@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 292-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: apriilip 8.-at, 2026
