INUUSSUTISSALERINERMI IKIORTI

ILINNIARNERUP SIUNERTAA

Nerisassiorneq, peqqinneq aammalu inuulluataarneq suliffimmi soqutigisaraagit?

Inuussutissalerinermi ikiortitut ilinniagaq taava ilinnuusimassaaq. Inuit peqqissutsikkut naleqartitaat nerisassiornikkut qaffariarsinnaavat. Igaassat, inuussutissat inummut peqqinnartut, aammalu nerisassiorneq ilinniarnissai uani ilinniakkami periarfissarilissavat. Ilinniakkami peqqissutsimut tunngasut aammalu nappaatit akiorniarlugit iliuuseqarneq ilisimalissallugit pingaaruteqarpoq.

Ilinniakkap ilagaa nerisassat allassimaffii, inooriaatsimut allannguinerit, aammalu iggavimmi ulapaarfiusumi sulineq ilinniassallugit saniatigullu piujuartitsineq paasisimasaqarfigilissavat, nerisassanik pilersaarusiorneq aqutsinerlu. Iggavimmi sulinermi msilittagaqalissaatit inooriaatsimullu ullut tamaasa allanngueqataallutit periarfissaqalissaatit.

”Inuussutissalerinermut ikiortitut ilinniagaq assut misigalugu nuanneqaaq. Ilikkagaqaqaanga atuagarsornerup tungaatigut aammalu inuttut imminullu tatiginerulersimallunga. Ilinniagaq pissaganarluinnartoq ammaassisuuvoq allaat allanngueqataasinnaallunga inuit peqqinnartunik nerisaqarnikkut aammalu nerisatigut ileqqui allannguiffigeqataasinnaallugit”- Aaju 24-nik ukiulik.

Inuussutissalerinermi ikiortitut nerisassiorneq aqqutigalugu peqqissutsimut inuulluataarnermullu qanoq iluaqutaasinnaanerlutit ilinniassavat. Ilinniagaq aqqutigalugu piujuartitsineq, pinngortitap pissuseqatigiinnera nerisassanillu eqqaaneq akiorniarlugu saniatigullu iggavimmi sulineq nereqatigiinnermilu nerisassat allagartaat allannissai ilinniassavatit.

Ilinniagaq ilinniagassat tunngaviusut aammalu sammisanut aalajangersimasunut tunngasuuvoq.

Ilinniagassat tunngaviusut: Atuagarsorneq aammalu iggavimmi sulineq inuiaqatigiit atugarisaai tunngavigalugit ineriartorneq.
Ilinniagassat sammisanut aalajangersimasut: Inuussutissat, nerisassat, peqqissuseq, aqutseriaaseq aammalu piujuartitsineq. Uani teorii akunniliullugu nerisassiornerit peqqinnartunik pineqassapput saniatigullu inuunermut allanngueriaatsit ilinniakkami siunniunneqassallutik.
Ilinniagassami qinigassaq: Periarfissaq soqutigisarnut pikkorissarnissaq.

Suliffimmik misiliineq:

Ilinniarnerup ingerlaanerani suliffimmik misiliissaatit teorii atorlugu piviusumi sulineq misilittagaqarfigissallugu. Iggavimmi ulapaarfiusumi misilittagaqalissaatit.

Ilinniarnerit naammassigukku makkua atorfiniffigisinnaavatit:

Suliffeqarfinni soorlu atuarfinni, meeqqerivinni utoqqaat illuanilu iggavinni sulineq
Peqqissaavimmi
Suliffeqarfiit namminersortut nerisassanik peqqinnartunik pingaartitsisut.
Inuiaqatigiinni nerisassiornikkut peqqinnartumik inooriaatsimik suliniutit.

Ilinniagaq uani atuarsinnaavat:

https://inuili.gl/uddannelser/uddannelser-lokale-uddannelsesplaner/ernaeringshjaelper-og-assistent/

Qinnuteqarit

INFORMATION

Ilinniakkap atia

Inuussutissalerinermi ikiorti

Sivisussusaa

Ukiut marluk -pingasut qaammatillu tallimat

Qinnuteqarnissamut piumasaqaatit

Meeqqat atuarfianni inaarutaasumik Kalaallisut Matematikkimilu karakter E (02)

Aningaasaqarneq

Ilinniartuunermi akissarsiat

Ilinniaqqinnissamut periarfissat

Ilinniagaq ilinniartitaanermut ilinniakkanut ammaassisuuvoq

ATTAVISSAT

MAJA POULSEN

Ilinniarnermi Ineriartornermilu siunnersorti

Telefoni

(+299) 367140

Maili

mpou@sermersooq.gl