Au Nunat Assigiinngitsut Akornanni Assartuineq Aamma Logistikki

ILINNIARNERUP SIUNERTAA

Assartuussineq aammalu ingerlaarfissanik pilersaarusiorneq atorfiniffigissallugu pissanganartippiuk?

Taava immaqa Nunat tamalaat akornanni assartuussineq ingerlaarfissanillu pilersaarusiorneq ilinnuusimassaaq. Ilinniarnermi ataavartumik sunniuteqartumillu sulineq minnerunngitsumillu attaveqaqatigiinnermi ataqatigiissaarineq pilersaarusiornermi qitiuvoq. Aammalu tunisassiornermi suliap ingerlaarnera atuisunullu nioqqutissanngortitsilluni pilersaarusiornermi ingerlaartitsineq akisussaaffigissavat. Attaveqaqatigiinnikkut pilersaarusiornikkullu ataqatigiissaarineq akisussaaffigalugu Kalaallit Nunaanni aammalu nunat allat suleqatiginerani pingaarnertut inissisimassaatit.

Naammassillutit ilinniagaqarsimaleriaruit pissanganartunik atorfinnik periarfissaqarputit, suliffeqarfik suliffigisaq sinnerlugu pisiniartuuneq, ingerlasussanik piareersarneq aqutsinerlu, siunnersortitut, allarpassuillu.

”Uanga namminneerlunga nunat tamalaat niuernikkut suleqatigisinnaaneri assorujuk pissanganartippara. Assut soqutiginarpoq uppernarsillugu ilumut nunat tamarmik imminnut niuernikkut pinngitsoorsinnaanngimmata. Aammalu suliffimmi misiliinissamik periarfissaqartinneqarneq assut qujamasuutiginarpoq. Imaallaat suliffeqarfimmi nammineerlunga pinginnaasakka atorlugit misiliisinnaavunga taamaasillunga suut soqutigivinnerlugit tassuuna paasisinnaanngorlugu.” -Miki 24-nik ukiulik.

IMAA SANNAALU

Assartuussineq aammalu ingerlaarfissanik pilersaarusiornermi qaffasissumik ilinniagaq pisortatigut, niuernikkut tunisassiornikkut aammalu siammarterinikkut Kalaallit Nunaanni nunanilu allani sullissinermi pinginnaasatigut pissarsiaqaatigalugulugu ilinniarfigissavat. Ilinniagaq ukiunik marlunnik sivisussuseqarpoq sisamanillu semesterinik agguataarsimalluni. Ilinniakkallu ingerlannerani suliffeqarfimmi sulillutit aamma misilissavat piviusumi nammineerlutit piginnaasatit misilillugit.

Semesterini marlunni ingerlasussanik piareersarneq aqutsineq, angallassineq, inatsisitigut ilisimatusarneq, Supply Chain Management (aqutsinermi ataqatigiissaarineq) aammalu periaasit siullertut atuartitsissutigineqassapput.

Semesteri pingajuani aammalu sisamaanni suliakkerinermi pisiniarneq aammalu pilersaarusiorluakkamik pisiniarnerit atuartitsissutigineqassapput. Angallannermilu quersualerinermi aqutsinerit ilanngullugit. Taakkulu kingusiinnaq inaarutaasumik allaaserineqassallutik.

Ilinniagaq marlunnik sammiveqarpoq:

Assartuineq: Itinerusumik assigiinngitsuni assartuinermi aaqqissuussineq, quersuarmi aqutsineq aammalu assartuussinermi inatsisitigut atuarneq

Pisiniarneq: Itinerusumik pilersaarusiorluakkamik aaqqissuussamillu pisiniarnerit (immikkoortiterinerit- aammalu quersuarmi aaqqissuussineq aqutsinerlu uani eqqartorneqarput)

Ilinniagaq naammassigukku pisiniarnermi, sulilluarnissaq siunertaralugu quersuarmi imaluunniit aqutsisutut, nassiussanik aaqqissuussilluni ingerlatisisutut, sukuiaasutut siunnersortitulluunniit atorfinissinnaavutit.

Aamma diplomertalimmik ilinniartitaanermi ilinniaqqilernissat naammassereeruit periarfissaraat.

Ilinniagaq suli uani paasiniaaffigisinnaavat: https://gbs.gl/da/uddannelser/au-i-international-transport-og-logistik/

Qinnuteqarit

INFORMATION

Ilinniakkap atia

Au Nunat Assigiinngitsut Akornanni Assartuineq Aamma Logistikki

Sumi

Greenland Business School

Sivisussusaa

4 Semesterit

Piffissaq qinnuteqarfissarititaasoq

1. Marts

Ilinniakkap aallartinnera

Augusti

Akissarsiat ilinniarnermusiallu

Ilinniagaqarnersiutit ilinniakkap piffissaritinneqartoq tamaat atuupput. Akissarsiassallu suliffimmi misiliinermi suliffeqarfik isumaqatigiissusiornerani inissinneqassapput.

Qinnuteqarnissamut piumasaqaatit

Ukua ilinniakkat naammassereersimassuatit:

MERX II
GUX Niuernermi aningaasaqarnerlu sammiveqarluni ilinniarneq

ATTAVISSAT

MAJA POULSEN

Ilinniarnermi Ineriartornermilu siunnersorti

Telefoni

(+299) 367140

Maili

mpou@sermersooq.gl