Kommuneqarfik Sermersooq

UAGUT PILLUTA

SermeqCool nittartagaavoq ilinnialerusuttunut. Siunissami sunngorusunnerlutit uani nittartakkami paasiniarsinnaavaat. SermeqCool isumassarsiorfigisinnaavat aammalu paasissutissanik ilinniarnerup tungaatigut pissarsiaqarfigisinnaallugu.

SermeqCool atorlugu Kommuneqarfik Sermersuumi atorfiit assigiinngitsut neqeroorutai atuarsinnaavatit. Ilinniartut ulluinnarni oqilisaanniarlugit una nittartagaq pilersinneqarsimavoq.

Siunnersuisugut oqaloqatigalugit isumassarsiorfigisinnaavatit. Taakku ilinniartuunikuupput. Namminneq ilinniakkat tungaatigut misigisaminnik avitseqatigisinnaavaatsit apeqqutissaqaruillu ikiorniarlutit piareersimapput.

ASSI

KOMMUNEQARFIK SERMERSOOQ

SULIFFISSAQ NAJUGAQARFISSARLU PITSAK

Kommuneqarfik Sermersooq tamanoorpoq. Sualummik ilinnut nutaarluinnarmik misigisaqarusuttumut atorfinnillu assigiinngitsunik immikkuullarissumillu ataatsimoorfiusumi peqataarusuttumut. Kalaallit Nunaata kommunia annersaat pinngortitamik kusanarluinnartumik avatangiisilik. Uummaarissumik eqeersimaartumillu pinngortitamik pingaartitsumik innuttalik piorsarsimassutsikkullu immikkoorluinnarttumik misigisassalik.

Uagutsinnut ataatsimoorneq pingaarluinnarpoq. Assigiinngitsunik nuannerluinnartunik sammisassaqartitsineq inuiaqatigiinnut pingaartitaraarput soqutigisatit aallunneranni allannguiffiusumilu inuit nutaat naapillugit allanngueqataallutit periarfissaralugu.

SULIFFIK SUNNGIFFILLU OQIMAAQATIGIINNERI QITIUTIPPARPUT
VI FOKUSERER PÅ BALANCE MELLEM ARBEJDE OG FRITID

Kommuneqarfik Sermersuumi misigisassarsiorlutit minnerunngitsumillu soqutigisatit aallaavigalugit pinginnaasatit suliaqarfinni nukittorsarsinnaavatit.

Kommuneqarfik Sermersooq suliffeqarfik uummaarissuuvoq siammasissumik periarfissarpassuarnik neqeroorutilik. Ataatsimoorneq ineriartorfiusoq pingaartitaraarput saaffiginnittullu innuttaasut tamaasa tusaaneqarnissaat isiginiarneqarnissaallu pingaartitaraarput.

Kommuneqarfik Sermersuumi atorfiit assigiinngitsut misissorsinnaavatit. Sullissigaangatta ilinniartut suliffimmik misiliisut aammalu sulisut allamut suliffimmut ilinniakkamulluunniit nuukkusuttut misigisarpagut. Taamaattumik suliffeqarfiup iluani nutaamik atorfimmut nuussinnaaneq allannguisinnaanerlu periarfissaraat.

Taamannallu periarfissaqartitaanerup kinguneraa ilinniarusussuseqarneq, ineriartorneq aammalu angusaqarluarusussuseq ataatsimoorlutik suliffeqarfiup iluani aallunneqarmata. Suliffeqarfik Kalaallit Nunaata annerpaani tulliusoq 2500-inik sulisulik qaffasissumik angusaqarluarusussusilik tassa uaguuvoq. Naak angusaqarluarusussuseqaraluarluta suliffik sunngiffillu oqimaaqatigiinneri pingaartitaraarput. Sulisutta sunngiffimmi kiffaanngissuseqarnissaat aammalu namminiussuseqarnissaat pingaartitaraarput pingortitamilu inuiaqatigiit sunngiffimmi susoqartillugu akuunissaat qitutillugu.
Isumaginninnermi sulineq, niuerneq, nioqqutissanik tuniniaaneq, pisortatigut allaffissornikkut imaluunniit piorsarsimassutsikkut soqutiginnillutit sumiluunniit suligaluaruit Kommuneqarfiup Sermersuup pingaartippaa piginnaasatit annertusartuarlugit inuiaqatigiinni allanngueqataallutit sulinissat.